Ben Affleck ka folur për herë të parë për divorcin nga Jennifer Lopez. Aktori është shprehur për GQ Magazine se zgjidhja e martesës së tyre ishte “pa drama”.
52-vjeçari mohon se dokumentari i Jen, i titulluar “Greatest Love Story Never Told” shkaktoi “një thyerje të madhe” në romancën e tyre.Sipas tij, shumë njerëz e kanë përballuar famën “në mënyrë më të aftë dhe të zgjuar se sa ai, mes tyre edhe Jennifer. Temperamenti im është pak më i rezervuar dhe privat se i saji. Siç ndodh në marrëdhënie, nuk ke gjithmonë të njëjtën qasje ndaj këtyre gjërave”, u shpreh ai duke folur për pjesëmarrjen në projektin e saj.
“Nuk është se do të shohësh dokumentarin dhe do të thuash, ‘oh, tani i kuptoj problemet që kishin’”.Në një moment tjetër të intervistës, ai shprehet; “Ky njeri është dikush për të cilin kam shumë respekt” dhe duke e theksuar sërish, shton: “Besoj se ka një tendencë që të shohësh drejt ndarjeve dhe të identifikosh shkaqet themelore. Por sinqerisht, siç thashë, e vërteta është më e zakonshme sesa ajo që njerëzit do të besonin apo do t’u dukej interesante”.
Affleck tha se fundi i martesës së tyre “s’kishte as skandal, as telenovelë dhe as intrigë”. Ai refuzoi të jepte detaje të mëtejshme pasi i duken “të sikletshme” dhe “intime”.Jennifer dhe Ben ishin të lidhur nga viti 2002-2004, më pas u rikthyen bashkë në vitin 2021 dhe u ndanë në vitin 2024. Divorci i tyre u finalizua në janar 2025.
