Kryetari i Partisë Lëvizja Për Zhvillim Kombëtar, Dashamir Shehi, është shprehur se politika shqiptare po ushtron presion me mjete jo-demokratike për të marrë votën e diasporës.
Komentet Shehi i bëri përmes një deklarate për mediat nga selia e LZHK-së, ku tha se ligji për votën e diasporës u bë që të zgjerohet hapësira e lirisë dhe jo që të zgjatohet politika shqiptare edhe jashtë vendit.
Ai shtoi se diaspora duhet të votojë e lirë dhe në mënyrë të emancipuar.
“LZHK ka marrë një pozicion të ri për votën e diasporës. Unë kam çuar 2 ligje në Parlament për votën e diasporës. Po shikojmë këtu që të gjitha partitë janë turrur për votën e diasporës. Dhe po shikojmë që po bëjnë një luftë të tillë, si kjo lufta në Tiranë.
Po i përçajnë ata emigrantë atje që kanë qenë shokë e miq. Unë mendoj se ne bëmë ligjin që ata njerëz të votojnë të lirë atje. Të votojnë se ata janë më të emancipuar nga ne dhe më të çliruar nga frika sepse nuk punojnë e bëjnë biznes në Shqipëri.
Po nëse ne i çojmë mentalitetin tonë, ata nuk votojnë më të lirë, por si zgjatim i politikës shqiptare. Ne bëmë ligjin që të zgjerohet hapësira e lirisë, jo të zgjatohet politika shqiptare”, tha mes të tjerash Shehi. (
