Operacioni “Los Blancos” vuri në pranga ditën e djeshme pjestarët e kartelit më të madh shqiptar që merreshin me trafikimin e kokainës nga vendet e Amerikës së Jugut, përmes një kompanie të njohur si “Bello”.
Kjo kompani është detaji që u zbulua nga Prokuroria e Firencës e cila kishte rol parësor në operacion, duke treguar se pjestarët e bandës stamponin në pakot e tyre të kokainës pikërisht markën ‘Bello‘ të cilën e shkruanin në blloqe për të treguar kështu cilësi të produktit, shkruajnë mediat italiane.
‘Kapaciteti depërtues i kriminelëve shqiptarë u demonstrua gjithashtu nga zbulimi i ekzistencës së markës së tyre “Bello” e cila u stampua në pakot e tyre të kokainës të importuara në Evropë. “Marka në blloqe, është pothuajse si një garanci e cilësisë së produktit, është një risi absolute dhe befasuese, e cila u arrrit të zbulohet në pesë vite hetim”,– theksoi prokurori i antimafias Federico Cafiero de Raho.
Gjatë një konference të bërë në gjykatën e Fierencës, prokurori kombëtar i antimafia u shpreh ditën e djeshme se kriminelët shqiptarë kanë aftësi të madhe që të merren me drogën në Amerikën Latine e mbi të gjitha të mbajnë marrëdhënie të mirë me trafikantët e mëdhenj.
“Ndonjëherë na shtyjnë të mendojmë se organizatat kriminale shqiptare janë të nivelit të dytë. Operacioni ‘Los Blancos’ demonstron, se kriminelët shqiptarë kanë aftësi të mëdha duke u marrë drejtpërdrejt me kartelet e trafikantëve të drogës në Amerikën Latine, duke siguruar me ta marrëdhënie të qëndrueshme. Hetimet gjithashtu konstatuan ekzistencën e një superstrukture kriminale shqiptare, një lloj ‘kupole’, nga e cila vinin direktivat strategjike”, tha prokurori italian.
Hetimi ka nisur nga një skuadër hetimi “Florence Mobile Team”, një ekip gjerman dhe qendra evropiane për trafikun e drogës në bashkëpunim me Eurojust dhe Europol, Anti-Mafian italiane, qendrën kundër terrorizmit dhe qendrën kombëtare të policinë kriminale.
Kapaciteti depërtues i kriminelëve shqiptarë u demonstrua gjithashtu nga zbulimi i ekzistencës së markës së tyre “Bello” e cila u stampua në pakot e tyre të kokainës të importuara në Evropë.
Operacioni “Los Blancos” është shtrirë po ashtu edhe në vendin tonë, ku mësohet se deri më tani janë të arrestuar 5 persona, emrat e të cilëve, janë: Gentjan Manaj, Rexhino Ibrahimi, Vladimir Lesaj, dhe Elvis Jaupaj. Të 5 të arrestuarit do të ekstradohen në Itali për llogari të autoriteteve italiane. Po ashtu në pranga kanë rënë, Lek Colaj, 40 vjeç, i cili u arrestua në Rumani; Gjergj Lesaj, 38 vjeç, i cili u arrestua ne Holandë; Sokol Aliko (Memetaj), 36 vjeç, i cili u arrestua në Spanjë; Robert Varga, 44 vjeç, i cili u arrestua në Hungari. Gjithashtu iu komunikua masa e sigurisë “Arrest në burg” shtetasit Altin Velsula (Hoxha), 36 vjeç, i cili ndodhet në burg në Norvegji.
Gjatë arrestimeve u vu në pranga dhe Eldi Dizdari, biznesmeni që mendohet se është në krye të ‘Los Blancos’. Ai është arrestuar në Dubai dhe pritet që të sillet në Shqipëri. Gjatë operacionit janë sekuestruar 5.5 milionë euro cash dhe 4 ton kokainë.
g.kosovari
