Gara mes dy kandiatëve për kreun e FRPD, Belind Këliçi e Ervin Salianji tashmë është drejt fundit dhe fitues i saj do të shpallet Këlliçi, me një diferencë prej rreth 1 mijë votash.
Këtë të dielë u votua në kryeqytet, ku deri më tani janë numëruar shumica dërrmuese e votave të 13 kutive të votimit. Pritet vetëm përfundimi i numërimit të të gjitha votave dhe shpallja zyrtare e kreut të ri të FRPD Belind Këlliçi. Rreth 10 mijë anëtarë të kryeqytetit kanë patur të drejtën e votës në këto zgjedhje.
Belind Këllici është një ish-punonjës i Bashkisë së Tiranës që ka drejtuar së fundmi edhe departamentin e ish të përndjekurve në PD. Por në radhët e demokratëve ai përflitet si njeriu i preferuar i ish kryeministrit Berisha dhe për të cilin është bërë një fushatë e fortë nga Arben Ristani dhe Flamur Noka.
Ndërsa Ervin Salianji mbështetet përgjithësisht nga të rinjtë e afruar së fundmi në Partinë Demokratike dhe nga kryetari Basha.
