Zgjerimi i Bashkimit Europian tashmë duket një iluzion. Kështu mendon revista prestigjioze britanike “The Economist”, në një editorial të saj. Sipas “The Economist”, ngjarjet e fundit në Ballkanin Perëndimor dhe Gjeorgji dhe infiltrimi i Kremlinit, janë faktorët kyç për të cilat Brukseli nuk po ecën me ritmet e kërkuara.
Disa ditë më parë, citon “The Eoconomist”, një Presidente e re nacionaliste mori detyrën në Maqedoninë e Veriut. Në vend që të deklaronte fjalët e zakonshme në fjalimin e saj inaugurues, Gordana Davkova iu referua vendit të saj thjesht si Maqedoni, duke hedhur në erë me vetëdije një marrëveshje me Greqinë, e cila shqetësohet se përdorimi i emrit nga fqinji i saj një ditë do të çojë në pretendime territoriale.
Më 8 maj, Serbia njoftoi një “të ardhme të përbashkët” me Kinën, ndërsa përshëndeti Xi Jinping me madhështi në Beograd. Së shpejti do të miratojë një marrëveshje të tregtisë së lirë me Kinën që është plotësisht e papajtueshme me anëtarësimin në BE”.
“Marrëdhëniet midis Serbisë dhe Kosovës mbeten të dëshpëruara. Shqipëria ka arrestuar kryebashkiakun me nënshtetësi greke, të një qyteti të vogël, duke mërzitur fqinjin e saj, Greqinë. Moldavia, Gjeorgjia dhe Ukraina kanë të gjitha pjesë të territorit të tyre të kontrolluara nga Rusia. Në të gjithë rajonin, politika mbetet po aq e çrregullt si kurrë më parë. Serbia ka dy ministra që janë nën sanksione amerikane për lidhjet e tyre me Rusinë”, lexohet në “The Economist”.
Zgjerimi i unionit nuk mund të qëndrojë gjatë pezull, thekson “The Economist”. Për të marrë paratë e BE-së, vendet e Ballkanit do të duhet të hartojnë plane reformash. Dështimi për të reformuar programet kyçe si subvencionet bujqësore do të tregojë mungesën e synimit nga ana e anëtarëve ekzistues për të lejuar të rinjtë të hyjnë. Kështu, të dyja palët do të detyrohen të tregojnë nëse janë serioze për zgjerimin.
/a.r
