Nga Simon Hadaj
Fredi Beleri, një nga personat e dyshuar si pjesëmarrës në “Masakrën e Peshkëpisë” në vitin 1994, ku u vranë dy ushtarakë shqiptarë, ka qenë gjithmonë një zë i fortë në favor të Helenizimit të Himarës. Pavarësisht kësaj, ai është bërë pjesë e politikës shqiptare nga Meta dhe Berisha, për të qene një ‘gozhdë Nastradini’ në marrëdhëniet mes dy vendeve, edhe pse nuk ia dolën dot.
Për interesin e tij personal, Sali Berisha e kandodi Fredi Belerin në Himarë, duke e kthyer atë në një mjet të qarqeve të errëta greke për të avancuar axhendën e tyre në Shqipëri. Pafuqia e Berishës, i cili tashmë përballet me akuzat e SPAK-ut, e bën atë një instrument perfekt në duart e tyre. Strukturat e organizuara të PD dhe drejtuesir e saj mbledhin njerëz për të dëgjuar Belerin, një figurë e dënuar për blerje votash, i cili sot shfaqet si një aktor kyç në përpjekjet për të ndikuar në politikën shqiptare.
Ky është një shkëmbim i turpshëm interesash që vendos në pazar sovranitetin dhe interesat kombëtare të Shqipërisë. Partia Demokratike e Berishës, e cila dikur promovonte vlera të tjera, tani është kthyer në një platformë që, në vend të mbrojë Shqipërinë, përdoret për interesa të të poshtëra.
Një bashkim mes një të dënuari nga SPAK për blerje votash, si Beleri, dhe një politikani të marrë i pandehur nga SPAK, si Berisha, nuk përfaqëson asnjë interes të shqiptarëve. Përkundrazi, është një simbol i degradimit të politikës dhe përdorimit të saj për përfitime personale.
Për vite me radhë, tensionet mes Shqipërisë dhe Greqisë janë shtuar artificialisht, ku çështja e Belerit është përdorur nga autoritetet greke si një pretekst për një “luftë” diplomatike ndaj Shqipërisë. Futja e tij në politikën shqiptare, me mbështetjen e një lideri si Berisha, i cili e ndjek moton “pas meje qameti” për shkak të halleve të tij personale dhe të familjes së tij, është një shembull i qartë se si nuk duhet të funksionojë politika shqiptare.
Më e rrezikshmja është përdorimi i emigrantëve shqiptarë në Greqi si mjet presioni për të çuar përpara agjenda të huaja, që dëmtojnë interesat kombëtare të Shqipërisë. Kjo është një strategji që nuk duhet të tolerohet, dhe shqiptarët duhet të jenë të vetëdijshëm për lojërat politike që luhen në kurriz të vendit të tyre.
Te dy si beleri,ashtu edhe monstra e vicidolit,jane si dy kuaj te ngordhur,ase njerine ase tjetrin nuk duan ta shohin,e tju degjojne emrin.Te dy jane antishqiptare,monstra,e beleri.