Kandidati i PBDNJ-së, në Himarë Fredi Beleri, ka bërë kallëzim në polici se ka humbur kartën e identitetit. Por pavarësisht se në zgjedhjet vendore mund të votosh edhe me pasaportë, Beleri pretendon se nuk mund të votojë dot.
Lidhur me këtë çështje, Beleri ka bërë edhe denoncimin në polici. Ende nuk dihet nëse situata është sajuar nga kandidati për të shkaktuar më shumë tension. Më herët kandidati i PBDNJ për Himarën u shfaq në një qendër votimi në Lukovë, ku hyri në mënyrë të paligjshme për të kontrolluar procesin e votimeve.
Ndërkohë që mësohet se, Beleri nuk votonte në atë qendër votimi, ai nisi të diskutonte me komisionerët duke i kërkuar shpjegime për mosvotimin e një prej zgjedhësve. Pas këtij incidenti, Beleri është nxjerrë me dhunë jashtë qendrës së votimit.
Beleri është i njohur për Masakrën e Peshkëpisë në vitin 1994 apo për fyerjen e simboleve tona kombëtare.
