Në këto ditë të vështira të karantinës për shkak të koronavirusi, nuk mungojnë as notat e humorit, në foto, video, apo bejte. E pikërisht një të tillë e ka ndarë me ndjekësit në rrjetet sociale regjisori i njohur Petri Bozo.
“Vëllezër, në kushtet e karantinës sapo më erdhi një bejte. Titullohet ‘Karantina’”, shprehet regjisori në nisje të videos.
“Unë me bejte po ja nisi,
se kollaj s’e harroj vesin,
Nuk po due që t’ju bezdisi,
sado pak me ju heq stresin.
Ça s’ka bë dreqi vaki
Ngujue brenda pa vra kërkend
Sillu pështillu nëpër shtëpi
Herë në shtëpi, e herë në divan.
Marr grues me ju afrue,
“ku po shkon mor lum zotnia,
lajmet a i ke dëgjue,
distancë ka thënë qeveria”.
Me ne larg fiks një metër,
Ky është rregull për të tanë,
Njashtu s’durohet tjetër
Eh virus ça me t’thanë”, thuhet ndër të tjera.
