Roland Bejko, i ftuar ditën e sotme në “Breaking” në Top News foli për situatën aktuale në PD, Këshillin Kombëtar të mbledhur dje nga Basha dhe Kuvendin e mbledhur nga Berisha.
Bejko tha se e ka bërë të ditur qëndrimin e tij dhe e konsideroi ilegjitim “krye-Foltoren” e zhvilluar nga Berisha më datë 11.
Ai gjithashtu tregoi se nga kush u zhgënjye më shumë që kaloi në anën e Berishës:
“Asnjëri nga këta emra nuk më ka zhgënjyer, e dija që do rrinim me Berishën se u ka dhënë ndihmë në rrugën politike. Se unë i kam miq, nuk mund t’i mohoj kontributet e tyre. Ata nuk janë shquar në ndonjë fushë, por thjesht kanë dhënë kontribut PD-së.
Ka pasur të tjerë më të mirë, ka shumë studentë të dhjetorit shumë të mirë, që Berisha nuk i ndihmoi fare, madje i shkatërroi karrierën. Jam zhgënjyer nga Tritan Shehu dhe Genc Pollo, janë profesionistë të mirë, kanë bërë karrierë në politikë, e kanë hequr në kurriz berishizmin në vitin 2000 kur u përjashtuan nga PD, dhe kishin teza të mira për të ardhmen e PD, por më vonë më duket u lodhën dhe u futën sërish në çadrën e Berishës për favore. Kjo nuk u falet,” tha Bejko.
g.kosovari
