Deputeti i Partisë Demokratike Oerd Bylykbashi ka deklauar se në 21 janar të vitit 2011, Lulzim Basha, i cili ishte Ministër i Brendshëm ka bërë shefin e Policisë nga tarraca e Kryeministrisë. I ftuar në Ora News, Bylykbashi foli edhe për vendim e Bashës për të djegur mandatet, duke thënë se me atë vendim e ka dënuar opozitën me vdekje.
“Basha është ai që bënte shefin e policisë nga tarraca e kryeministrisë me dylbi me datë 21 Janar dhe u përpoq që të ia faturonte 21 Janarin tjerëve. Beson se duke përdorur klishe të lodhura do të bëjë apel. Nuk ka asnjë ekuivok sot mes anëtarëve të PD, popullatës, analistëve që kanë ndonjë dyshim që Basha ka humbur legjitimitetin. Sondazhet e tregojnë të shkërmoqur.
Ditën që dogji mandatet dënoi me vdekje opozitën. Vendimet e 2019 janë anti-amerikane, anti-europiane. Basha bëri gropën për zgjedhjet e 25 Prillit. Misioni i Bashës është për t’u bërë Kryeministër por nuk do të bëhet dot kurrë, mund të ketë edhe mision tjetër deri sa të shkatërrojë PD përfundimisht. Deri në 2013 dhe 2017 grupi parlamentar kishte debat, kishte figura politike që nuk ishin nën kontrollin e tij. Kur ai e kuptoi se nuk po e manaxhonte dot më, pas një marrëveshje që Edi Rama i ofroi garancira, ai zhduku fibrën e partisë. Sot askush nuk I bën nder vetes nëse mendon se është deputet i Bashës,” tha Bylykbashi.
Bylykbashi gjithashtu ka treguar edhe arsyet që zgjodhi të mbajë anën e Berishës, në këtë situatë.
“Unë nuk kam shkuar për Berishën. Kam shkuar për faktin se nuk mund të pranoja më asfiksimin total të demokracisë brenda partisë. Berisha ka një fuqi politike që nuk e ka askush prej nesh. Të gjithë ne përfitojmë nga kjo histori pasi është i vetmi që mund ta rrëzojë Bashën. Arsyet e tij nuk më interesojnë fare. Ajo që ka marrë përsipër Berisha i vlen demokracisë në parti, por do u vlejë dhe partive të tjera. Berisha nuk e ka shansin që të bëjë të kundërtën e asaj që ka premtuar. Nuk është në ambiciet e mia për të kandiduar për kryetar,” tha Bylykbashi.
g.kosovari
Po sh bylyk bytha eshte e vertete se lyli shikonte me dylbi,ama duhet te jeshe me burre,komandanti juaj komunisti barbare,plaku i vicidolit urdheroj garden te vriste 4 njerz te pa fajshem.Ju jeni maskarenj,dolte te humbur me plakun barbare,tani thyeni qafen gjeni vendin qe meritoni,ndytsira.