Rafael Benitez ka filluar të mendojë për përforcimet për stinorin e ri. Skuadrës së Realit të Madridit mund t’i bashkohet gjatë verës një futbollist nga Kosova.
Kështu të paktën është tallur mesfushori nga Mitrovica, Valon Behrami në një prononcim për mediat italiane.
“A më ka thirrur mua Benitezi te Real Madridi? Kam lexuar se po e dëshiron Zunigan, kësisoj mund të më dojë edhe mua”, u shpreh Valoni duke qeshur.
Behrami u largua nga Napoli pikërisht pas problemeve që pati me Benitezin. Por, ai tani është pranë një rikthimi te skuadra napolitane.
