A do bëhet ushqim për orlat “vrasësi” Veliaj?!

 

Një klithmë zie u trumbetua në të gjithë rrugët e qytetit, e përmes ekranit të televizorit arriti të mposhti dyert, muret dhe dritaret tona! Në qytet ra vdekja! Përmes “kafazit” të madh të SHQUP-it, hijerëndë e me një pamje që të kallte datën, u ngritën fluturimthi orlat për të kapur viktimën apo tragjedinë e radhës. Qielli u nxi prej krahëve të gjatë, tufa e grabitqarëve u lëshua pas gjahut.

Peizazh i trishtë, që të sjell ndërmend një fotografi të Kevin Carter, të publikuar nga “New York Times”, më vitin 1993. Në një qendër ushqimore të Kombeve të Bashkuara, fotoreporteri afrikanojugor, arriti të kap imazhin e një vajze të vogël afrikane, e cila dergjej në tokë nga uria. Pak metra larg vajzës, qëndronte një orl, që priste vdekjen e saj. Pas një viti fotoreporteri fitoi çmimin “Pulitzer” dhe muaj më mbrapa ai kryen vetëvrasje.

Në kohën kur u publikua fotografia në ‘NYT’, pas interesimit nëse vajza ishte ende gjallë, kundër fotoreporterit shpërthyen një lumë kritikash. Kritikat nuk kishin të bënin me shkrepjen e fotografisë, por pse ai nuk e ndihmojë më pas vajzën. Në këtë qendër ushqimore u mësua se në një orë, nga uria, humbnin jetën mesatarisht 12 persona.

Ashtu si orlat e qendrës ushqimore të OKB’s, ashtu edhe orlat e SHQUP-it fluturojnë ulët në kërkim të ndonjë viktime. Ndryshe nga ato, orlat tona janë edhe më të tmerrshme. Ato tentojnë të “zhvarrosin” çdo ditë nga një viktimë, fatkeqësinë e të cilëve e përdorin në mënyrën më të turpshme, politikisht, me pretendimin për të dënuar vrasësit!

Viktimë pas viktime… shtëpi pas shtëpie… arsye pa arsye! Kokëhollë, hundëshkabë e bythë trashur, buzëkuqur dhe të të shpifur orlat tonë janë pa zemër, qënie të papara ndonjëherë! Zoti past mëshirë për ta, por mua s’më dhimbsen fare. Ndjej një lloj përshtjellimi në stomak, një lloj neverie deri në mallkim.

Orlat tonë bëjnë kallzime penale për kryebashkiakë, si fajtor kryesor të këtyre vrasjeve. Natyrisht, këto janë veprime qesharake të një opozite pa kauzë dhe të çorientuar, që politikën e përdorë për mllefe dhe inate personale, për pushtetin e humbur nga vetë ata.

Krejt të degraduar në veprime, i drejtohen prokurorisë, Nishanit ose Gjykatës Kushtetuese, për çdo gjë dhe për asgjë, duke i konsideruar si WC-ët e tyre, ku mund të vjellin sa herë të duan dhe çfarë të duan, për të gjithë ata që i urrejnë dhe nuk i duan…!

Të vjen keq kur i sheh se si janë katandisur, e që nuk dinë se çfarë të bëjnë. Orlat klithin herë pas here, për të tërhequr vëmendjen e qytetarëve, për t’i u thënë se janë akoma gjallë si “opozitë antishtet”.

Paditë ndaj Veliajt i bëjnë për të mbrojtur, Dain e tyre, i cili është pronar i Landfilldit prej Lulit, gjithashtu dhe sponzorizues i fushatës së PD-së, i deklaruar pranë KQZ-së. Megjithatë ato vazhdojnë zhvarrosjen me protesta mashtruesish, duke përzjerë në pislliqet e tyre dhe familjarët e djaloshit tropojan, arsyeja e të cilëve është mposhtur nga dhimbja, që po i tretë çdo ditë nga brenda.

Me të njëjtën mënyrë të turpshme, tentuan të përdorin dhe familjen e 16 vjeçarit nga Durrësi, që humbi jetën aksidentalisht në kafazin e ashensorit, por nuk i’a arritën dot. Familjarët e djaloshit të ndjerë, letyrën durrsake me buzë e faqe të kuqe vesh më vesh, nuk e lejuan as t’i afrohej portës!

Sipas orlave djaloshi vdiq, sepse OSSHE i kishte prerë dritat familjes dhe adoleshenti kishte shkuar t’i tregonte nënës së tij. Ndaj fajtore ishte qeveria dhe konkretisht ministri Gjiknuri! Shumë shpejt, drafti i “juristave” të PD-së, po përgatisin kallëzimin për OSSHE-në.

Madje përveç këtyre, Veliaj ka një akuzë tjetër shumë më të rëndë: Vrasje në masë me paramendim?! Një aksident i ndodhur në rrugën e Durrësit, tek Shqiponja, i mori jetën një 80 vjeçari për “faj” të Veliajt, sepse vizat e këmbësorve nuk i ka bërë fosforeshente dhe qytetari nuk arrinte t’i shikonte natën.

Ndërkohë kanë shumë e shumë akuza të tjera për “largimin dhe burgosjen” e Veliajt, por këto janë më të fortat. Është e dhimbshme si arrijnë të bëjnë çdo ditë politikë këta mostra të vetëshpallur politikanë me dhimbjen njerëzore, duke shfrytëzuar fatkeqësinë dhe duke dalldisur me idiotësi, që i bën njerëzit të tallen dhe gajasen.

Kjo llojë PD-je, as me busullë nuk e gjenë dot rrugën e opozitarizmit të vërtetë, por diçka tjetër ka si kauzë: Të bëjë tymnajë, për budallenjtë e rinovuar. Ish budallenjtë kanë vdekur me kohë, e për të mençurit, e rëndësishme është zbatimi i ligjit të shpifjes dhe kallzimit të rremë.

Drejtësia duhet të veprojë mbi shpifjet, mashtrimet, talljet në masë! Drejtësia nuk duhet të pranojë kallzime “skuthash”, nën siglën e një subjekti ose partie, ku askush nuk mbanë përgjegjësi, për dëmin që bën.

Çdo kallëzim duhet të ketë një autor dhe kryesisht palën e dëmtuar, jo bandat e “berihajt”. Përndryshe frikacakët trimërohen, duke u fshehur në mungesën e identitetit dhe ligji kthehet në një skenë tallje dhe kërcënimi.

Zathur.net