Partia Demokratike e konsideroi biznesmenin Edmond Bego, të arrestuar nga policia greke për llogari të italianëve për trafik droge, si njeri të lidhur ngushtë me pushtetin e Edi Ramës.
Por pas akuzave të PD ka ardhur edhe reagimi i pare nga radhet e PS. Deputeti Pjerin Ndreu e ka quajtur lajthitje totale qëndrimin e PD. Sipas deputetit socialist “ishte njeriu i Berishës në Gjykatën e Lartë” që e liroi.
“Lajthitja totale e nje force politike qe quhet PD eshte evidente. Ndersa bejne opozite, shfaqin simptoma te renda ne interpretinin e ngjarjeve te ndryshme. Te ngerthyer ne mllefin e ekstrem kunder Edi Rames ju eshte errur logjika dhe nuk dine ca thone ! Ne pamundesi totale per te perballu forcen e lidershipit te PS, dalin ne konferenca shtypi e thone cfare nuk thone. Rasti i nje te ashtuquajturi Mond Bega qe na qenka arrestu ne Greqi sipas PD perben arsye per t’ju versule qeverise, Edi Rames dhe Taulant Balles, se paskan ndihmuar ketete denuarin ! Po mire PS paska ndihmu sipas Palokes, Mondin mos te kapet, po ne Gjykate kush e ndihmoi qe konvertoi denimin nga 21 ne 4 Vjet ? Ndresa PS paska lidhje me Mondin, lidhjen me kryesuesin e kolegjit Penal ne Gjykaten e Larte, njeri i afert i Berishes dhe i zgjedhur prej tij kush ja beri ?! Sipas suflereve te trullosur te PD miqte e tyre i lehtesuan denimin dhe e lane te lire ne gjykate, ndresa ne PS kane faj se nuk e kapi policia ! Zoterinj, ju rrofte kontributi ju dhe derivateve tuaj ne Gjykate per ta liru nga denimi. Aq me keq kur dhe vete autoritete greke e kane liru pasi ka tregu pikerisht konvertimet e denimeve te pjellave tuaja ne gjykate ! E kuptoni sa te peshtire jeni, e lironi vete dhe dilni ne foltore e fajesoni te tjeret ! Me te lajthitur se kaq ske ku gjen ! Te fala nga selia e PD se perhumbur !”, shkruan Ndreu
Sipas PD-së, miku i Aldo Bares shëtiste lirisht në Shqipëri pavarësisht se mbi të rëndonte një dënim prej 21 vitesh burg për trafik droge. Paloka akuzoi deputetin socialist Taulant Balla si të lidhur direkt me Begon, pasi sipas tij, janë të lidhur në biznes.
‘Shqipëria është kthyer në strehën e trafikantëve. Mbrëmë vonë u mësua se policia greke ka arrestuar anëtarin bandës së Aldo Bares i dënuar në Itali me 21 vite burg për trafik droge. Pavarësisht se ai ishte shpallur në kërkim nuk ishte arrestuar në Shqipëri. Nëse nuk do te shkonte me pushime dhe do të arrestohej nga policia greke nuk do e dinim se ai ishte një trafikant droge. Policia e shtetit mbylli sytë dhe nuk shikonte trafikantin e drogës që shëtiste në Shqipëri.
Cdo shqiptar, ka të drejtë të pyesë sot Edi Ramën, Fatmir Xhafajn dhe Policinë e Shtetit:
Si është e mundur që një trafikant ndërkombëtar droge i shpallur në kërkim ndërkombëtar nga autoritetet italiane, arrestohet nga policia greke por jo nga policia shqiptare? Si është e mundur që jo vetëm nuk arrestohet por bën i qetë biznes në Shqipëri?
Cfarë lidhjesh me njerëz të pushtetshëm e kanë detyruar Policinë e Shtetit të mbyllë sytë dhe të mos shohë një trafikant ndërkombëtar droge që shëtit i lirë nëpër Shqipëri? A është Taulant Balla polikani që e ka marrë në mbrojtje trafikantin e drogës dhe bën biznes me të? PD në ditët ne vijim do bëjë transparencë pse ligji s’ka vepruar ndaj Edmond Begos që njihet me emër tjetër për policinë, Italinë e me emër tjetër për biznesin. Sot kërkojmë që Prokuroria të nisë hetimet për të zbardhur arsyet e mosveprimit nga Policia e Shtetit“, deklaroi Paloka
a.ç
