Presidenti Bajram Begaj uroi Krishtlindjet nga katedralja ‘Ngjallja e Krishtit’, ku u takua edhe me Kryepeshkopin e Kishës Ortodokse, Anastas Janullatos.
Kreu i Shtetit uroi që kjo ditë të sjellë shpresë dhe gëzim tek të gjithë shqiptarët.
“Sot është një ditë e veçantë. Dita e Krishtlindjes, erdha për t’i uruar këtë ditë të shenjtë. Kjo është ditë e dritës hyjnore, sjell shpresë dhe gëzim për gjithë besimtarët dhe shqiptarët. Gëzuar, të kenë sa më shumë gëzime, begati dhe paqe të gjithë shqiptarët”, tha ai.
Nga ana tjetër, Kryepeshkopi i Kishës Ortodokse, Anastas Janullatos vlerësoi vizitën e presidentit Begaj dhe bëri thirrje për paqe dhe harmoni me njëri-tjetrin.
/a.r
