Presidenti amerikan Donald Trump ka fajësuar ish presidentin Barack Obama si përgjegjës për gjithë rrjedhjen e informacionit brenda administratës së tij. Në një intervistë për rrjetin “Fox News”, Trump është shprehur se Obama gjithashtu është edhe organizator i protestave masive që po organizohen kundër tij në mbarë Shtetet e Bashkuara.
I pyetur në një intervistë në rrjetin amerikan “Fox News”, Trump tha se presidenti Obama qëndron edhe pas protestave masive. Trump u shpreh se njerëzit e Obamas janë pikërisht shkaktarët e këtyre trazirave. Duke i kritikuar ata për mënyrën e gabuar si kanë trajtuar sigurinë kombëtare.
“Mendoj se Obama qëndron pas rrjedhjeve të informacioneve dhe protestave. Por unë e kuptoj se politika është e tillë dhe do të vazhdojë të jetë kështu”.
Megjithatë shefi i shtëpisë së bardhë nuk dha asnjë provë për këtë pretendim të tijin. Administrata aktuale është shqetësuar nga të tilla incidente sepse presidenti vazhdimisht ka sulmuar personat përgjegjës për to, që kur ka marrë detyrën.
ma.me
