Pronari i Agon Channel Francesco Beccheti 49 vjeç, është shpallur në kërkim që prej ditës së djeshme me kartelë të kuqe, pasi Prokuroria e Tiranës ka dërguar urdhrin për ekzekutimin e vendimit të Gjykatës së Tiranës, e cila ka caktuar masën e sigurisë “Arrest me burg”.
Sipërmarrësi italian akuzohet nga organi i Akuzës për veprat penale “Mospagim taksash”, “Falsifikim dokumentesh” në bashkëpunim, të kryer më shumë se njëherë.
Sipas asaj që bën të ditur Neës24, Beccheti ka dalë nga Shqipëria më datë 24 janar të vitit 2015 dhe ende është e paqartë vendndodhja e tij.
Për Prokurorinë e Tiranës, pronari i AgonSet është organizator i skemës gjigande të pastrimit të parave, i cili në bashkëpunim me nënën e tij, Liliana Condomitti, kanë qenë të përfshirë në një marrëdhënie financiare koncesionar-kontraktor për ndërtimin e hidrocentralit të Kalivaçit në Shqipëri.
Sipas hetimit, koncesionari “KEG”, i kontrolluar në shumicë aksionesh nga një kompani e Francesco Becchetit, ka kontraktuar për punime kompaninë “Energji”, e kontrolluar në mënyrë absolute nga nëna e tij, Liliana Condomitti. Nëpërmjet manovrave financiare, të shtrira në harkun kohor 20072013, dhe të zbuluara tashmë nga hetimi i Prokurorisë, këta dy shtetas kanë përfituar në mënyrë të paligjshme miliona euro.
