Beccheti në kërkim ndërkombëtar, por në Londër bën…
Francesco Beccheti cili akuzohet për pastrim parash në Shqipëri, është parë të sfilojë përpara syve të qindra personave.
Ngjarja në fakt ka ndodhur në kryeqytetin e Britanisë së Madhe, më konkretisht në stadiumin e Leyton Orient Football Club. Becchetti, njëkohësisht pronar i këtij ekipi futbolli historik, por që luan në kategorinë e katërt, ka zbritur në fushën e blertë në shoqërinë e tranjerit Ian Hendon me arsyen për të përshëndetur fansat e shumtë. I qeshur, me një stil tepër sportiv dhe aspak prej të arratisuri shafqet Beccheti në faqen në Facebook të këtij klubi. Leyton Orient arriti të fillonte kampionatin me një fitore, duke mundur 2 me 0 ekipin e Barnet.
Ndoshta ky fakt përbën lajm për londinezët që prej kohësh vuanin disfatat e ekipit të tyre të zemrës, deri kur u goditën dhe me një regres – rënie historike nga kategoria. Edhe pse u fol se pronari i Agon e kishte shitur këtë klub, shfaqja e tij pohon të kundërtën. Madje Becchetti ne foto nuk duket aspak si një person i kërkuar nga policia. Ai shfaqet i qetë dhe i shkujdesur. Teksa nga autoritetet shqiptare pronari i Agon Channel dhe Energji vijon të jete person i shpallur ne kërkim ndërkombëtar, në Facebook na jepet edhe adresa e fundit e daljes në publik të Becchettit: Brisbane Road, Leyton, England.
