Bebe Rexha, artistja shqiptare me famë ndërkombëtare, ka festuar ditëlindjen e 37-të në New York, një qytet me rëndësi të veçantë në historinë e saj personale.
Këngëtarja, e cila ka lindur dhe është rritur në metropolin amerikan, publikoi në Instagram disa fotografi nga festa dhe çastet private që shoqëruan këtë ditë të rëndësishme.
Në fotot e ndara me ndjekësit, Rexha shihet e veshur me bikini teksa pozon në tarracën e një apartamenti në qendër të New Yorkut, me panoramën karakteristike të qytetit në sfond.
Pozat që nxjerrin në pah linjat e saj trupore morën menjëherë vëmendjen e fansave në rrjetet sociale.
“Gëzuar ditëlindjen për mua”, shkroi këngëtarja krahas imazheve të publikuara nga festa.
Vendimi për ta kaluar 37-vjetorin në New York nuk ishte i rastësishëm. Pikërisht në këtë qytet Bebe Rexha kaloi vitet e fëmijërisë dhe të rritjes, përpara se të niste rrugën artistike që më pas e çoi në skenat më të mëdha ndërkombëtare.
Kjo ditëlindje e gjen artisten edhe në një fazë aktive të karrierës. Ajo vazhdon të jetë e pranishme në skenën botërore, ndërsa së fundmi ka prezantuar gjithashtu projekte të reja muzikore.
Pas një karriere të zhvilluar mes New Yorkut dhe skenave ndërkombëtare, Bebe zgjodhi ta nisë këtë kapitull të ri në vendin ku filloi gjithçka, mes dritave të qytetit që e pa të rritej dhe ëndrrave që më vonë e drejtuan drejt famës globale./ TAR
