Shtetet anëtare të Bashkimit Evropian nuk e kanë përcaktuar ende koston financiare të nevojshme për funksionalizmin e dhomave të specializuara dhe të Zyrës së prokurorit të specializuar.Po ashtu, ende nuk dihet se sa është shuma e mjeteve financiare të dedikuara për Gjykatën Speciale, si hapi final para se të nisë punën Specialja, shkruan sot Koha Ditore.
Në mungesë të parave ende nuk është bërë përzgjedhja e gjyqtarëve e as rekrutimi i stafit.
Të pyetur për këtë çështje, përfaqësues të Zyrës së BE-së në Prishtinë kanë thënë se deri nga mesi i këtij viti presin që të sigurohet financimi për Gjykatën Speciale, e cila do të merret me krimet e supozuara të UÇK-së.
