Vlerësim real, i drejtë dhe i pavarur i asaj që Shqipëria ka arritur përmes reformave. Kështu e ka cilësuar zv.kryeministrja Belinda Balluku progres-raportin për Shqipërinë. Në një konferencë të përbashkët së bashku me ambasadorin e BE-së Luigi Soreca, Balluku vuri në dukje përmirësimet në disa fusha, kryesisht në zbatimin e reformës në drejtësi, luftën kundër krimit dhe korrupsionit dhe kriteret ekonomike.
“Efektet janë në sytë e qytetarëve tanë, por marrin rëndësi të madhe kur certifikohen nga ndërkombëtarët. Qeveria shqiptare, kryeministri Rama, ne kemi deklaruar angazhimin maksimal për të përmbushur detyrat e anëtarësimit në BE, por i gjithë ky proces bëhet bazuar në kapacitetet e njerëzve tanë. Kemi rrugë shumë të gjatë përpara. Procesi i screening përfundon në fund të këtij muaji dhe Shqipëria vlerësohet pozitivisht për përgatitje aktive dhe profesionale në këtë proces. Ka vijuar me progres zbatimi i reformës në drejtësi, institucionet e reja të gjyqësorit tashmë janë plotësisht funksionale. Struktura kundër korrupsionit e krimit ka arritur rezultatet dhe u zgjodh prokurori i ri. Vetingu ka përparuar në mënyrë të kënaqshme. Progres në luftën kundër pastrimit të parave. Shqipëria u hoq nga lista ri në tetor 2023. Zgjedhjet e 14 majit u vlerësuan të mirëadministruara konkurruese dhe me pjesëmarrje të aktorëve politikë. Skena politike vazhdon të shënohet nga polarizimi politik. Sa i takon kritereve ekonomike, Shqipëria është e përgatitur për ekonomi tregu funksionale. Tregon elasticitet dhe rritja e PPB mbeti e fortë pavarësisht nga lufta Rusi-Ukrainë. Zbatimi i agjendës së gjelbër Shqipëria ka progresuar në mënyrë të ndjeshme. Transformim digjital dhe media”.
Balluku theksoi se me planin eri të rritjes Ballkanit pëerëndimor i jepet mundësia të hapë tregje të reja më shpejt me BE para se të anëtarësohet plotësisht.
“Shqipëria ka rritur kapacitete për të fituar me meritë projekte që parashikohen në planin e rritjes ekonomike në tregun e vetëm të BE. Rritje e asistencës financiare për të mbështetur këto reforma. Procesi i anëtarësimit në BE nëpërmjet këtij plani shkojnë paralelisht. BE ka qenë partner i besueshëm. Me planin e ri të rritjes Ballkanit Perëndimor i jepet mundësia të hapë tregje më shpejt me BE para se të anëtarësohet plotësisht. Rritje ekonomike e të ardhurave për çdo qytetar. Shqiëpria mbetet e vendosur të vijojë rrugën e reformave të thella në të gjitha fushat për të arritur mirëqenien e çdo qytetari”.
/a.r
