Presidentja e Komisionit Europian, Ursula von der Leyen, deklaroi gjatë një konference të përbashkët për shtyp me kryeministrin Edi Rama, homologun maqedonas Dimitar Kovačevski, si dhe Kryeministrin e Republikës së Çekisë, Petr Fiala, njoftoi hapjen e negociatave për Shqipërinë dhe Maqedoninë e Veriut.
“Kam hapur negociatat për aderimin në BE dhe jam shumë e lumtur. Ky është suksesi juaj, i popullit tuaj që keni punuar kaq shumë dhe keni treguar përkushtim për vlerat tona. Keni zbatuar shtetin ligjor, kemi një shoqëri civile aktive dhe një media të lirë.
Ju keni bërë të gjitha këto ndryshime sepse këto janë të mira për vendin tuaj. Ne si komision ju kemi mbështetur gjatë gjithë rrugës dhe do të vazhdojmë ta bëjmë. Pas konferencës Ndërqeveritare sot, komisioni do të fillojë punën sot dhe shqyrtimi i Acquis Communitaire do të jetë hapi i parë. Pika e dytë është që ne do të vijojmë të jemi më afër në fusha kyçe. Shqipëria do të bashkohet për Mbrojtjen Civile Evropiane”, tha Von der Leyen.
Ajo u shpreh se Shqipëria dhe Maqedonia e Veriut kanë treguar vizion dhe në këto kohë të vështira të luftës në Ukrainë kanë shfaqur edhe vlera europiane.
“Dimitar ti mund të mbështetesh te mbështetja ime që të gjitha ligjet do të përkthehen në gjuhën maqedonase. Përfitimet do të vijojnë edhe ju do të keni rrugën drejt BE.
Ju do të maksimizoni impaktin e fondeve të BE me punësime të reja. Për këtë kanë pritur kaq gjatë qytetarët tuaj. I dashur Edi, i dashur Dimitër. Ju keni treguar lidership dhe vision. Durim strategjik. Jo thjeshtë kaq por në këto kohë keni treguar bashkimin tuaj me vlerat europiane.
Fillimi i negociatave i Shqipërisë dhe Maqedonisë së Veriut është një sukses i presidencës çeke. Populli shqiptar dhe maqedonas e meritojnë. Ne do të presim një ditë Shqipërinë dhe Maqedoninë si të barabartë”, tha ajo.
/a.r
