Kur kanë mbetur edhe pak orë, Greqia rrezikon të humbasë miliarda euro. Zyrtarët e Bashkimit Europianë kanë thënë se shuma që mund të mos përfitojë Athina zyrtare arrin në 16.3 miliardë euro nëse nuk nënshkruan marrëveshjen në këto minuta të mbetura. Sipas burimeve nga Brukseli vetëm një shans i minutës së fundit për marrëveshje në shpëtimin e Greqisë mund të bëjë që të dilet nga ky moment dramatik.
Në dy alokimet e fundit, greqia ka marrë nga BE dhe FMN 240 miliardë euro që prej vitit 2010 dhe ka një borxh në shumën prej 1.6 miliardë euro që duhet ta paguajë deri sonte në mesnatë.
Ndërsa Greqia duke ndjekur linjën e refuzimit, sonte në mesnatë humbet një shumë prej 16.3 miliardë euro, transhin e radhës së FMN-së, 1.8 milioën euro dhe paketat e mbetura të marrëveshjeve financiare të cilat përllogariten në rreth 16 miliardë euro.
Aktualisht Greqia po i nënshtrohet tri paketave të financimeve për kapërcimin e krizës; EFSF, HFSF dhe CBS, program që merret me garantimin e sigurisë së tregjeve./Dielli/
