Presidentja e Komisonit të Evropës Ursula von der Leyen njoftoi se BE-ja do të zhvillojë një konferencë për të mbledhur fonde për të mbështetur kërkimet për vaksinën kundër Covid-19 më 4 maj.
Unioni është goditur nga pandemia e koronavirusit, ku më shumë viktima kanë pasur shtetet e Italisë, Spanjës dhe Francës. Gjithashtu nga virusi ka pësuar tkurrje edhe ekonomia.
“Që të mundim koroanvirusin duhet një iniciativë globale për të mbledhur fonde. Për ta realizuar, vendosa që të mbaj një konferencë donatorësh online më 4 maj.
Në këtë mënyrë do të gjejmë të ardhurat e nevojshme për të gjetur më pas zgjidhje inovative dhe të drejta. bashkë më të fortë”, ishte mesazhi i presidentes së KE-së.
Ndërkohë Komisioni Evropian ka paraqitur 3 parakushtet që vendet të rinisin aktivitetet normale.
Sipas KE, heqja e kufizimeve mund të bëhet:
– Kur numri i të prekurve zvogëlohet ndjeshëm bazuar në kritere të forta epidemiologjike.
– Kur sistemet shëndetësore të kenë kapacitete të mjaftueshme.
– Kur të bëhet testimi në shkallë të gjerë. /e.s/
