Presidenti i Komisionit Evropian, Jean-Claude Juncker, e ka caktuar një mbledhje në Bruksel më 25 tetor, për shqyrtimin e krizës së migrantëve në pjesën perëndimore të Ballkanit.
Zyra e zotit Juncker ka njoftuar se në këtë takim do të marrin pjesë zyrtarët e Austrisë, Bullgarisë, Kroacisë, Gjermanisë, Greqisë, Hungarisë, Rumanisë, Sllovenisë, Maqedonisë dhe Serbisë.
Ky takim po mbahet derisa dhjetëra mijëra migrantë, që po synojnë të arrijnë në Evropën Perëndimore, janë të bllokuar në rrugët e Ballkanit Perëndimor, pasi Hungaria e mbylli kufirin e saj me Serbinë dhe Kroacinë.
