Qeveria italiane po shkon haptazi, me ndërgjegje kundër angazhimeve të marra, deklaroi sot në Luksemburg zëvendëspresidenti i Komisionit Europian, Valdis Dombrovskis, duke njoftuar kundërshtimin e buxhetit të Italisë.
“Ne nuk jemi përballë një rasti që është në limit, por përballë një devijimi të qartë, të dukshëm, të menduar dhe nga disa, të pretenduar”, theksoi nga ana tjetër komisioneri europian i Çështjeve Ekonomike, Pierre Moscovici gjatë një konference për shtyp në Strasburg.
Duke konfirmuar se ky kundërshtim përbën një herë të parë, Dombrovskis tha se “Roma ka tre javë kohë për të rishikuar këtë projektbuxhet”.
Ndërkohë që qeveria e mëparshme e qendrës së majtë kishte premtuar një deficit publik prej 0,8% të PBB-së në vitin 2019, Roma parashikon të arrijë 2,4% vitin e ardhshëm, më pas 2,1% në 2020 dhe 1,8% në 2021.
/b.d
