Ngjarjet e fundit në Maqedoni kanë tërhequr vëmendjen e mediave më të rëndësishme botërore. Pamjet e konfliktit të armatosur në Maqedoni mes forcave të policisë së Maqedonisë dhe grupit të amratosur shqiptar shokuan botën, duke përfunduar në faqet e para të shtypit.
Bilanci i konfliktit rezultoi me 22 të vdekur, dhe dëme të konsiderueshme materiale.
Edhe rrjeti informativ ndërkombëtar BBC ka shkruar për protestën e paralajmëruar në Shkup gjatë ditë së sotme, ku thuhet se mijëra qytetarë do të marrin pjesë në protestë për të kërkuar dorëheqjen Kryeministrit maqedonas, Nikola Gruevski.
Protesta vjen pasi janë ngritur dyshime se Kryeministri po abuzon me fuqinë e pushtetit.
BBC në artikullin e botuar sot shkruan se jostabiliteti politik në Maqedoni vjen si pasojë e përleshjeve të javës së kaluar mes shqiptarëve etnikë dhe policisë, ku prej 2.1 milionë banorëve shqiptarët përbëjnë një të katërtën e popullsisë së përgjithshme në Maqedoni.
Analisti, korrespondenti i BBC dhe njohësi i rrethanave politike në Ballkan, Guy De Launey ka thënë se publikimi i përgjimeve përfunduan karrierën e ish-Presidentit amrikan, Richard Nixon. Dhe sipas tij, e njëjta do të ndodhë edhe me Nikola Gruevskin.
“Përgjimet e publikuara qartazi tregojnë se si ministrant kanë manipuluar çdo gjë duke filluar nga manipulimi i zgjedhjeve deri tek manipulimi i medieve për të mbuluar një vrasje të kryer nga një zyrtar policie”, tha Laurney.
Sipas tij, protestat e sotme do të jenë një provë për profesionalizmin e autoriteteve, ndërsa diplomatët perëndimorë kanë sugjeruar që forcat policore të tregohen të përmbajtur.
