Covid-19 nuk është zhdukur ende dhe shkencëtarët po punojnë çdo herë e më shumë për të kuptuar mbi virusin. Me këtë qëllim studiuesit në Universitetin e San Franciscos së bashku me biologen Lauren Rodriguez në këtë universitet kanë krijuar mini-mushkëri nga qelizat staminale të ndryshme në laborator.
“Infeksioni SARS-CoV-2 kërkon receptorin pritës ACE2 në epitelin e mushkërive, por bazat ku përqendrohet virusi janë kryesisht të panjohura.
Ne kemi identifikuar se nuk janë vetëm proteinat ACE2 që e bëjnë të fortë lidhjen e virusit me qelizën por ka diçka më shumë siç janë molekula të caktuara,” kanë shkruar ekspertët.
Mini mushkëritë e krijuara nga qelizat staminale të një njeriu “i ngjajnë” qelizave të trupit të personit nga i cili këto qeliza janë marrë.
Ekspertët zbuluan se disa mushkëri ishin rezistente ndaj virusit dhe disa infektoheshin më lehtë për faktin se qelizat ishin me qime (cilia) që prodhojnë mukus në sistemin e frymëmarrjes.
Pikërisht këto qeliza prodhojnë më shumë molekulën TSPAN8 nga qelizat e tyre janë më të predispozuara për t’u prekur nga Covid-19.
Proteina e koduar nga ky gjen është anëtare e super familjes transmembranore e njohur gjithashtu si familja tetraspanin. Shumica e këtyre anëtarëve janë proteina të sipërfaqes qelizore.
Proteinat ndërmjetësojnë ngjarjet e përcjelljes së sinjalit që luajnë një rol në rregullimin e zhvillimit, aktivizimit, rritjes dhe lëvizshmërisë së qelizave. Kjo proteinë e koduar është një glikoproteinë në sipërfaqen e qelizës që dihet kompleks me integrina.
Rodriguez ka propozuar se gjetjet e reja tregojnë që duhet të zhvillohet një antitrup që mund të bllokojë molekulën TSPAN8 të përdoret si terapi për të ndaluar rastet e rënda të COVID-19.
“Këto studime janë akoma paraprake por na japin shpresë se mini-mushkëritë mund të përdoren për të gjetur trajtime të shpejta dhe efikase kundër sëmundjeve të mushkërive dhe jo vetëm për Covid-19,” ka shkruar ajo.(Science, gazeta “Si”)
