Dalin detaje të reja nga shkatërrimi i bandës së prostitucionit në Tiranë, që u finalizua me arrestimin e 6 personave.
Sipas Balkan web, grupi i prostitucionit drejtohej nga Maria Thanas, e cila ishte tutorja e vajzave që shfrytëzoheshin. Aktiviteti zhvillohej në hotele të ndryshme të Liqenit të Thatë, pa dijeninë e pronarëve te tyre.
Mësohet se kliente janë edhe disa biznesmene italiane, pronarë call center-ash në Tiranë
Të arrestuarit janë: M. Thanas, 26 vjeçe, banuese në Tiranë; M. Çela, 38 vjeç, banues në Tiranë, D. Haka, 34 vjeç, banues në Tepelenë; R. Zhitoni, 39 vjeç, banues në Tiranë; K. Zhilla, 26 vjeç, banues në Tiranë dhe D. Sharra, 27 vjeç, banues në Tiranë (Neni 114 dhe 236)
Në gjendje të lirë është proceduar shtetësja me inicialet T.Gj., 27 vjeçe, banuese në Tiranë.
Ndërkohë që janë shpallur në kërkim shtetasit B.O., E.I., F.Sh.
Shtetasit e mësipërm, në kohë dhe vende të ndryshme në qytetin e Tiranës, kanë shfrytëzuar, ndërmjetësuar dhe marrë pagesa për prostitucion në vlera nga 50-100 euro.
Personat e dyshuar si organizatorët e këtij aktiviteti, më konkretisht M. Thanas dhe M. Çela, kanë ndërmjetësuar për të ushtruar prostitucion tek shtetësja T. Gj. dhe më datë 20.03.2017, rreth orës 23:00, janë kapur në flagrancë në ambientet e një hoteli në periferi, duke ushtruar prostitucion në grup, me klientët R. Z., D. K., dhe K. Zh.
a.ç
