Bayern Munich ka fituar derbin e javës së 18 në Bundesligë kundër Bayer Leverkusenit.
Lideri i Bundesligës arkëtoi pikët e plota duke fituar në udhëtim me rezultat prej 1 me 3, raporton Koha.net.
Ishte Javi Martinez ai që çoi topin në rrjetën e kundërshtarit kur po zhvillohej minuta e 32 për t’i dhënë epërsinë Bayernit.
Në pjesën e dytë mysafirët shënuan edhe njëherë përmes Riberyt, i cili shënoi pas asistimit të Rodriguezit në minutën e 59.E tëra që arriti të bëjë Leverkuseni ishte ngushtimi i epërsisë.
Ishte Volland ai që realizoi në minutën e 70. E golin e fundit të takimit e shënoi Rodriguez në minutën e 90+1.Bayerni vazhdon të jetë lider, tani me 44 pikë, kurse Leverkuseni në vendin e katërt ka 28 pikë. (b.an)
