Bayern Mynchen dhe PSG zbresin sot në fushë për të luajtur shanset e fundit për të shmangur eliminimin nga Champions League.
Për kampionët e Gjermanisë kjo është një sfidë mjaft e vëhstirë nga e cila varet i gjithë sezoni. Bavarezët duhet të përmbysin humbjen e pësuar 3-1 nga Porto javën e kaluar.
Ajo që i vështirëson edhe më tepër planet e Guardiolas janë dëmtimet e shumta ku do të krahët e sulmit, Roben- Riberi, mushkëria e mesfushës, Bastian Shvainshtager, por edhe Martinez, Alaba dhe Lahm janë në dyshim.
Megjithatë ende nuk ka mbaruar asgjë, pasi me një fitore 2-0 Bayerni kalon në gjysmëfinale.
“Porto është një kundërshtar i fortë fizikisht, mund të na vendosë sërish në vështirësi nëse nuk do të tregohemi të kujdesshëm. Nëse besojmë deri në fund mund të kthejmë rezultatin dhe të kualifikohemi. Kemi mungesa, por besoj se do të jemi në gjysmëfinale. Jam optimist 100% mbi mundësinë e kalimit, jetoj për këto ndeshja” tha Guardiola.
Ndeshja tjetër që do të zhvillohet sonte është edhe Barcelona-PSG. Spanjollët janë një hap larg turit tjetër, por trajneri i katalanasve shmang euforinë, teksa shprehet se parisienët mund të kalojnë në gjysmëfinale.
“Kemi rezultat të mirë 3-1, por jo shanse të mëdha. Mund të jemi në gjysmëfinale, por mund të kalojë edhe PSG. Për këtë ne duhet ta sulmojmë, ta mbajmë topin, të ballafaqohemi me presionin” tha Enrique.
Për ekipin e PSG i vetmi lajm pozitiv është rikthimi i Ibrahimovic dhe Verratit, por në dyshim është kapiteni Silva, që pësoi një dëmtim ndeshjen e parë në Francë.
Redaksia Online
(Javanews.al)
