Mijëra tifozë nga Munihu e Dortmundi vërshuan në Berlin dje, për finalen e Kupës së Gjermanisë, fituar nga Bayern me penallti, pas barazimit pa gola.
Shumë turistë buzë lumit Spree, i cili përshkon Berlinin, ishin dëshmitarë dhe filmuan një skenë që nuk ngjet shpesh.
Një varkë me tifozët të Borussias kalonte në lumë, kur përballë i erdhi një varkë e ngjashme plot me tifozë kundërshtarë.
Asnjë skenë shqetësuese, vetëm këngë për skuadrën e tyre, ndoshta edhe ndonjë kunjë apo sharje kundërshtarit, por asgjë që mund të prishte festën sportive.
D.I.
