Në interpelancën mes Blushit dhe Ramës ka patur dhe batuta, e teksa kryeministri është çuar rishtaz për të replikuar me ish socialistin, në një moment, fjalën e tij e ka ndërprerë Jozefina Topalli, e cila ka folur nga vendi. Në këtë moment, Rama i është drejtuar Topallit me këto fjalë:
Rama: Zoti Nardi e kuptoj që ke të drejtë të jesh i zhgënjyer. Herë tjetër mos ia lër leximin e mendimeve të tua zotit Beni. Sikur të mos kishit figurën dhe zërin, ça dallimi kishte nga Saliu zoti Beni.
Saliu ka gjithë jetën që më thotë frikacak, sot Beni shkoi edhe më para, tha, jua them unë dhe kur i ngecte mendimi, bënte e pra, ja pra. Edhe këtë si Saliu. Një gjë është për t’u sqaruar, se e përmendi zoti Beni, nuk u them gjithë shqiptarëve dembelë. Në fakt i kam thënë vetëm zotit Beni. Më dembel se ai nuk kam parë. Më vjen keq që zoti Nardi dhe zoti Vangjeli, nuk folën, por foli ai. Do kishte qenë më mirë origjinali se kopja. Ndërkohë që zoti Beni e harron që ishte kjo qeveri që i dha vendit statusin.
Ndërhyn nga vendi Topalli
Rama: Po zonja Jozefinë, apo tani përveç zotit Saliu do mbrosh edhe zotin Beni.
Mba Saliun, boll e ke. Saliu të paktën është punëtor, ndërsa zoti Beni është dembel.
Të lë në rrugë ai, vazhdo me zotin Saliu. Zotin Beni lërja zotit Vangjeli dhe zotit Nardi, dëgjo mua./java/a.k
