Partia socialiste ka organizuar në Kolonjë një miting me rastin e fitores në zgjedhjet e pjesshme për këtë bashki. I pranishëm ishte edhe kryeministri Edi Rama. Ai fillimisht ka falenderuar kolonjarët për besimin që i dhanë mazhorancës, duke u premtuar se për këtë bashki qeveria do të bëjë edhe më shumë pas rezultatit inkurajues.
“Do bëjmë pr Kolonjën gjithçka që kemi mundësi në mënyrë që ndryshimi të shkojë kudo dhe në mënyrë që të gjtiha fmailjet, jo vetëm në qytet, por edhe në fshat ta ndiejnë, ta prekin rezultaitn e kësaj vote kaq domethënëse për Ilian dhe për ASHE-në”, tha Rama.
Më tej shefi i qeverisë nuk kurseu as falenderimet për drejtuesit e fushatës në Kolonjë. Gjatë falenderimeve Rama lëshoi batuata në drejtim të disa bashkëpunëtorëve.
“Unë jam mirënjohës gjithë atyre që bashkë me Ilian kontribuuan në këtë fitore. Pa diskutim, respekt për herionën e PS në Kolonjë, Artën, e cila e meriton titullin jo vetëm se pse grindet me mua shpesh. Dua patjetër që të falenderoj mikun tim të shtrenjtë Niko Peleshin, të cilit i thashë mbasi mbaroi numërimi, tani që kjo gjë e madhe që u bë, natyrisht do bëjmë më shumë për Kolonjën, po dhe ndonjë gjë Korçës do ia heqim që t’ia japim Kolonjës. Edhe Ilia thoshte në fushatë kam ardhur me Nikon se ky i ka paratë.
Dua të falenderoj Ilir, dhe Ilirin tjetër, që vërtetë kanë bërë një punë shumë të mirë”, tha Rama./a.m.
