Ka vijuar edhe sot jehona që mediat ruse i kanë bërë episodit të ndodhur mes Kryeministrit Edi Rama dhe presidentit francez Emmanuel Macron ditën e djeshme, ku kreu i qeverisë bënte batuta me lapsuset e Donald Trump se I kishte dhënë fund luftës mes Shqipërisë dhe AZerbajxhanit.
Media shtetërore ruse Russia Today pas një postimi në rrjetin social X, RT ka vijuar me një artikull të gjatë ku e quan veprimin e Ramës, sulm të ashpër ndaj Trump në sy të Macron dhe presidenti i Azerbajxhanit, Ilham Aliyev.
Artikulli:
Kryeministri i Shqipërisë Edi Rama ka sulmuar ashpër Presidentin e SHBA-së Donald Trump, pasi ky i fundit pretendoi se e kishte zgjidhur konfliktin midis Shqipërisë dhe Azerbajxhanit, duke e ngatërruar vendin ballkanik me Armeninë në Kaukazin e Jugut.
Pamjet e shpërndara në mediat sociale tregojnë Ramën duke iu afruar Presidentit francez Emmanuel Macron dhe Presidentit të Azerbajxhanit Ilham Aliyev me një vërejtje ironike në një samit në Danimarkë të enjten.
«Duhet të na kërkosh falje sepse nuk na përgëzove për marrëveshjen e paqes që Presidenti Trump bëri midis Shqipërisë dhe Azerbajxhanit», dëgjohet t’i thotë Rami Macronit.
“Më vjen keq për këtë”, dëgjohet të përgjigjet Macron, ndërsa të tre udhëheqësit qeshin.
Batuta i referohej vizitës shtetërore të Trump në Mbretërinë e Bashkuar dy javë më parë, ku ai përmendi “zgjidhjen e Aber-baijanit dhe Shqipërisë” si një shembull të historisë së tij të paqes, duke e shqiptuar gabim Azerbajxhanin ndërsa e ngatërronte Shqipërinë me Armeninë.
Armenia dhe Azerbajxhani, të dyja ish-republika sovjetike, ishin të përfshira në konflikt për dekada të tëra mbi rajonin e Nagorno-Karabakut përpara se Azerbajxhani ta rimerrte atë në vitin 2023. Në gusht, udhëheqësit e të dy vendeve nënshkruan një deklaratë paqeje të ndërmjetësuar nga SHBA-të, duke hequr dorë nga pretendimet territoriale dhe duke u zotuar të përmbahen nga përdorimi i forcës, megjithëse marrëveshja ende nuk ka hyrë në fuqi. Franca u ka kërkuar të dyja palëve të finalizojnë traktatin, me Macronin që e quan marrëveshjen jetike për sigurinë evropiane.
Gabimi i fundit i Trumpit iu shtua një historie të gjatë gabimesh gjeografike. Ai e ka quajtur Belgjikën një “qytet të bukur”, ka shpikur vendin e “Nambisë” në një drekë të OKB-së, ka ngatërruar vendet Baltike me Ballkanin dhe dikur ka lavdëruar “Princin e Balenave”. Edhe presidentë të tjerë amerikanë kanë ngecur – George Ë. Bush e vlerësoi në mënyrë të famshme udhëheqësin e Australisë për vizitën e “trupave austriake” në Irak, ndërsa Joe Biden e ngatërroi Sirinë me Libinë dhe Kolumbinë me Venezuelën.
Po çtu desh që i dhe gojës o lumëmadh, opo majasëllin në majë të gjuhës e kishe paturë ?
Mirë ty, që do të ta gjejë anën, e do të të heqë. Ishalla të heqën butë e butë, e mos të të ndërsejnë ndonjë muhabet mcgonicali e të marrën e të.çojnë në ndonjë rajon policie në ameriqi o birazer.
Kujdes kur llafosesh. Kafshoje të shketënë e gjuhës dreqi ta hajë, se po i dhjet tërë të mirat që ke bënurë.
Na qive nënën edhe neve popullit të thjeshtë, se do na marrë e do na vërë Trampi përpara nashti.
Na hape punë të tërëve.