Kryeministri i vendit Edi Rama ishte pasdite në Shkodër ku mori pejsë në përurimin e muzeut “Marubi”. Ashtu si përherë ai nuk i ka kursyer batutat, dhe kësaj here i’u referua takimeve të parlajmëruara të ambasadorëve Lu dhe Vlahutin me grupet parlamentare. Rama tha se edhe ata do zgjidhnin Shkodrën për këtë aktivitet, si Marubi.
“Pse Pjetër Marubi erdhi në Shkodër? Pse saga e Marubëve nuk mund të kishte asnjë skenë tjetër përveç Shkodrës? Sepse ishte një qytet i rëndësishëm ekonomik, qytet i rëndësishëm tregtar…që edhe Romana dhe Lu do ta kishin zgjedhur për të zhvilluar këtu aktivitetin e tyre konsullatë më konsullatë, e parti më parti”. Rama ftoi ambasadorët të ishin të pranishëm në këtë ceremoni.
“Prit të vijnë edhe ambasadorët se ne pa ambasadorët nuk bëjmë dot gjë” tha kryeministri./a.m.