BATUTA/ ‘Llane ik në Gjermani, bëhesh më lehtë gjerman sesa …’
Si në çdo seancë parlamentare edhe në këtë të sotmen nuk kanë munguar batutat. Kreu i qeverisë, Edi Rama ka replikuar me deputetin e PD-së, Asllan Dogjani, kur ky i fundit ndërhyri nga vendi teksa Rama fliste për luftën kundër informalitetit dhe theksoi se nuk do të ketë asnjë amnisti për biznesin.
“Ti duhet të nisesh për Gjemani, je subjekt i ligjit gjerman, Llane edhe për emrin që ke e merr padyshim. Të bëhesh gjerman nga shqiptar është shumë më e lehtë, është shumë me e lehtë të bëhesh anëtar i PD nga PS, nuk diskutohet, kush e bën atë kapërcim nuk e frenon më asgjë, në këtë pjesë unë të inkurajoj” tha Rama.
Dogjani: Do të dëshiroja që në të vërtetë ato që tha kryeministri të ishin të vërteta për qytetarët por në fakt cdo gjë që u tha vazhdon si në fushatën elektorale ku i mashtronte për cdo gjë dhe përsëri e njëjta situatë. Në lidhje me taksat, ku zotëria u thoshte biznesit të vogël që janë falas, ndërsa sot ka përhapur panik dhe po i dhunon, nuk është informaliteti njësoj si energjia, por shpejt do t’i kthehet në bumerang. Sa për emrin tim jam krenar që e kam Asllan, por Gjemania ia ktheu përgjigjen që ju tha nuk na pranojmë se jemi muslimanë, por se shqiptarët po largohen dita ditës prej politikës tënde, a nuk ishit ju që i thatë biznesmenenëve mos i blini kasat se po ju vjedhin, a nuk ishit ju që i thatë që po erdhën në pushtet me vota të vjedhura nuk do rri më, ti kërko azil jo unë, qenka larguar, ndoshta atë e pranojnë në Gjermani se nuk e ka emrin Asllan, ky kryeministër nuk i mashtron më shqiptarët, po ju them, ta dish mirë, se ato që thua s’keni parë asgjë akoma, ti s’ke parë asgjë akoma nga populli shqiptar, do t’u shporrin jo në 2017 por më përpara
Në fund të fjalimit të tij shefi i qeverisë ka thumbuar dhe dy deputetët e tjerë të PD-së, Edi Palokën dhe Arben Ristanin
Rama: S’keni faj ju. Do hani përshesh edhe sot. Se për këtë paguheni. A e keni marra garuzhden? Se jeni dy, dhe duhet të ngopeni.
