“Berisha zbret opozitën në bulevard”, kjo është tema që po diskutohet mbrëmjen e sotme në emisionin “Opinion” në Tv Klan. Mes panelit të të ftuarve është dhe gazetari Baton Haxhiu i cili është shprehur se sot ia jep dorën kreut të Partisë Demokratike, Sali Berishës për organizimin e protestës që u mbajt para Kryeministrisë.
Baton Haxhiu: Një fjalë e kam, por sot ia jap dorën Berishës.
Blendi Fevziu: Si do ia japësh dorën?
Baton Haxhiu: Ia jap dorën për organizimin.
Blendi Fevziu: Ti e prisje këtë pjesëmarrje?
Baton Haxhiu: Jo, nuk e prisja. Berisha ka kohë që nuk më pëlqen si politikan, ka kohë që është person i gabuar, por sot ia jap dorën. Sot vështirë që dikush mund të organizojë tubime të tilla. Njeri i gabuar i cili para vetes ka non grata, fjalimet e ambasadës, gjithë njerëzit përreth, një pjesë të mediave dhe të bëjë një gjë të tillë, nuk kam se çfarë t’i them. Sot njeriun të cilin politikisht nuk e dua, por sot ia jap dorën. Në Korrik, në temperaturë kaq të lartë gati të pashpresë se mund të ketë një tubim të tillë.
/a.r
