Ai është Lek Frroku dhe vijon të jetë person i shpallur në kërkim nga ana e Policisë së Shtetit. Burime nga grupi hetimor thanë se biznesmeni i shpallur në kërkim kishte rolin kryesor në tjetërsimin e pronave në bregdet, pasi dyshohet të ketë kryer të gjitha procedurat. Ndërsa pjesa më e madhe e sipërfaqes së përfituar në këtë formë, ka kaluar në pronësi të të afërmve të tij.
Deri tani janë arrestuar dhe ndaluar 12 zyrtarë publikë dhe janë shpallur në kërkim 11 zyrtarë e shtetas të tjerë, të cilët në bashkëpunim me njëri-tjetrin, duke abuzuar me detyrën, kanë falsifikuar, tjetërsuar dhe përvetësuar 234,548 m2 tokë shtetërore ranishte në zonën bregdetare Shëngjin, te vendi i quajtur “Rana e Hedhun”.
Mes të arrestuarve është edhe kryetari i Bashkisë së Lezhës, Fran Frrokaj. Policia tha të premten se kjo sipërfaqe është shndërruar me dokumente të falsifikuara nga tokë shtetërore në bregdet, në tokë arë dhe pemëtore.
Më pas është regjistruar në Zyrën e Regjistrimit të Pasurisë së Paluajtshme Lezhë, duke përfituar padrejtësisht në interes të tyre dhe personave të tjerë. Këto hetime proaktive janë kryer në funksion të procedimit Penal regjistruar në vitin 2017, për veprat penale të “Shpërdorimit të detyrës”dhe “Falsifikimi i dokumenteve”.
BIZNESMENI
Njëri nga 11 personat e shpallur në kërkim është edhe biznesmeni Lek Frroku, 47 vjeç, i cili ka në pronësi kompaninë “Kentak”, me qendër në Lezhë, që ka si objekt veprimtarie dhjetëra shërbime. Sipas ekstraktit të QKB-së, kjo shoqëri kryen shërbime të transmetimeve radiotelevizive dhe median e shkruar dhe shërbimeve të tjera mbështetëse.
Import – eksport, tregtimit me shumicë e pakicë dhe import-eksport të mallrave industriale, ushqimore, lëndë të para, pije, veshmbathje e konfeksione, hidrosanitare, hidraulike, kancelari e pajisje për zyra e shkolla, orendi shtëpiake, mobilie, pajisje elektrike e elektronike, kinkaleri , elektroshtëpiake, pjesë këmbimi për automjete, produkte bujqësore e blegtorale, frutaperime, produkte të detit, bimë medicinale eterovajore e mjekësore, prodhime kozmetike dhe estetike, parfumeri, detergjentë, makineri e pajisje, pjesë këmbimi, farëra e fidanë, kimikate, pesticide, plehra kimike. Ofrimin e shërbimeve dhe hapje të supermarketeve.
Hapje dhe shfrytëzim hotele, bare, restorante, diskoteka. Fabrikë prodhimpaketimi e konservimi të mallrave të ndryshëm ushqimorë. Prodhim, përpunim dhe shfrytëzim të lëndës drusore dhe tregtimin e saj. Studimeve dhe zbatimeve të punimeve pyjore. Studime e projektime të punimeve pyjore.
Për hartimin e planeve të menaxhimit të pyjeve, florës spontane, gjuetisë sportive e turistike dhe kullotave. Për hartimin e projekteve të pyllëzimit. Për hartimin e projekteve të trajtimit të pyjeve. Për hartimin e projekteve të shfrytëzimit të qëndrueshëm të pyjeve. Për hartimin e projekteve të menaxhimit të pellgjeve ujëmbledhëse.
Për studimin dhe ndërtimin e rrugëve pyjore. Për studime fitopatologjile – entomologjike dhe zjarreve në pyje. Për studimin e menaxhimit e përdorimit të territorit. Për studimin e rezervave gjenetike, pyjore dhe biodiversitetin etj.
ma.me
