Duket se nuk ka te ndalur hemoragjia e largimeve nga rradhet e LSI. Vetem pak minuta me pare eshte bere publik fakti se edhe 4 keshilltare te LSI ne Keshillin Bashkiak Vlore jane larguar nga kjo force politike dhe i jane bashkangjitur PS. Procesi i “çmontimit” te keshilltareve bashkiak te LSI neper disa bashki te vendit duket se eshte i pandalshem tashme, pas largimit te keshilltareve ne Durres, Tirane, Gjirokaster, Fier e Belsh.
Këshilltarët e larguar nga LSI janë; Artimida Luci, Romana Jaho, Shkëlqim Leskaj dhe Bashkim Begaj. Ata deklarojnë se LSI e ka humbur orientimin si forcë që synonte integrimin në BE, pasi po justifikon lobimin rus të PD.
“Zgjedhjet e fundit në pushtetin lokal si pjesë e koalicionit me PS, synonin mbrojtjen e interesave të qytetarëve. E ardhmja e Shqipërisë është integrimi në BE, konstatojmë me keqardhje se LSI ka humbur integritetin e saj dhe nuk mbron më interesat e njerëzve të thjeshtë, por personale të drejtuesve dhe ish-funksionarëve të lartë të saj.
LSI ka konsoliduar një aleancë të dyshimtë duke marrë në mbrojtje një forcë politike të zhytur në interesa të errëta anti-kombëtare, që ka lidhje me rusët. Eksponentët e LSI nuk janë distancuar, përkundrazi janë përpjekur ti justifikojnë. Duke qëndruar besnikë të parimeve për të cilat kërkuam votën, e kemi të pamundur të vazhdojmë dhe largohemi nga LSI. Nga tani do të jemi pjesë e grupit të PS në Vlorë” deklaruan ata.
Ditët e fundit ka pasur shumë largime nga radhët e këshilltarëve të LSI në drejtim të grupeve të PS në bashkitë e Gjirokastrës, Fierit, Elbasanit dhe së fundmi në Vlorë, ndërsa pak kohë më parë e njëjta situatë ishte në Tiranë.
