Tifozët anglezë njihen për fanatizmin dhe dashurinë që shfaqin për ekipet e tyre të zemrës. Shpesh herë ata ndërmarrin baste nga më të çuditshmit për të treguar dashurinë ndaj ekipit të tyre. Por ka edhe nnga ata që mund t’u vejë në majë të hundës.
Një tifozi të Boltonit që luan në “League 1”, vendosi të mbajë mjekër deri sa ekipi i tij të arrinte një fitore në transfertë. Por makthi i tij zgjati përtej të gjitha parashikimeve. Ditët iknin dhe ndeshjet pa fitore jashtë sa vinin e shtoheshin.
Plot 495 ditë iu desh tifozit që të hiqte mjekrën, aq sa kohë priti Boltoni për të siguruar fitoren e parë jashtë fushe.
Tashmë Damien Hardy 30-vjeçar po i rikthehert pamjes së tij normale, pasi mbajti mjekër për plot 495 ditë. Ndoshta edhe ai vetë nuk e hidhte këtë bast nëse do ta dinte që pritja do të ihste kaq e gjatë. Epo në fund të fundit, ekipi i zemrës ja bëri!/a.m.
