Shqipëria renditet pas Izraelit në kuotat e basteve për të zënë vendin e parë në Grupin G të kualifikueseve evropiane. Favorite e padiskutueshme është Spanja, me kuotën më të lartë 1.57, nga kompania Betway, ndërsa Betfair e kuoton me vetëm 1.36 vendin e parë në grup nga “Furitë e kuqe”. E dyta është Italia, me koeficentin më të mirë 2.87 nga Betfair. Dy favoritet u ndeshën në Euro 2016 dhe Italia kaloi më tej, por Spanja ka një kontingjent më të mirë lojtarësh, çka bëjnë kompanitë të besojnë se në konkurrim grupi ka më tepër shanse të triumfojë përballë të kaltërve.
Në vendin e tretë renditet Izraeli, me koeficentin 51, dhënë nga disa kompani, për vendin e parë në grup.
Shqipëria kuotohet me 81 për të fituar grupin, nga disa kompani, ndërkohë që koeficentin më të ulët e ka 41, nga Betvictor, që kuoton po aq edhe Izraelin.
Shumë larg Maqedonia, me 251, ndërsa Lihtenshtejni renditet vetëm sa për të plotësuar grupin, me koeficent maksimal 5001 nga 188Bet dhe Betway, ndërsa koeficenti më i rëndomtë është 1001.
Për të fituar botërorin, Shqipëria kutohet me 1001, ndërsa koeficentin më të vogël e ka 501, nga dy kompani. Favorite, sipas kompanive, është Gjermania, e ndjekur me radhë nga Argjentina, Brazili, Franca, Spanja e Italia.
d.i
