Përmes një deklarate, Bashkia e Tiranës ka kërkuar nga qytetarët e kryeqytetit që të shmangin qarkullimin në sheshin Skëndërbej, për shkak të punimeve intensive në Unazën e Vogël të Tiranës.
Bashkia ka kërkuar mirëkuptimin e qytetarëve pasi ditët e fundit qarkullimi në këtë zonë është rritur ndjeshëm.
Më herët kryetari i bashkisë Erjon Veliaj tha se këtë javë projekti për qendrën e Tiranës do të bëhet publik nga bashkia, ndërsa ndërhyrja në terren mendohet të nisë pas përfundimit të unazës së vogël.
