Pas rënies së tërmetit Bashkia e Shijakut me urdhër pune ka ngritur shtabin e emergjencave për të verifikuar situatën në terren. Primare për bashkinë ka qenë marrja e situatës nën kontrroll për t’i ardhur në ndihmë banorëve.
Fatmirësisht nuk ka viktima as të lënduar.
Grupet e punës që verifikojnë ndërtesat, kryesisht pallatet, të përbërë me inxhinierë kanë konstatur se banimi në pallate përbënte rrezik, pasi tërmetet po vazhdonin duke rënë dhe në themelet dhe kollonat e tyre kishte lëvizje. Menjëherë, bashkia ka marrë masa për ngritjen e dy vendstrehimeve.
1- Palestra e shkollës “Muharrem Dollaku”.
2- Kalceto sportivo Arena (e vënë në dispozicion nga një biznesmen).
Aktualisht tek kalceto Arena janë 180 persona të akomoduar duke i plotësuar kushtet kryesore, si dhe ngrënien e 3 vakteve. Në shkollën “Muharrem Dollaku” ka rreth 60 persona të akomoduar në palestrën e saj. Jane tv ngritura dhe 6 çadra në një oborr shkolle pasi janë banorët e një apartamenti që kanë vendosur të rrinë në to.
Situata është nën kontrroll e gjithë administrata dhe mjekët për çdo qendër bashkë me policinë e shtetit janë në gadishmëri. Bëhet me dije se nuk ka nevoja për momentin. /e.s/
