Bashkia e Tiranës po merr masa për mbledhjen e pagesave të konsumatorëve debitorë ndaj ujësjellësit, krahas investimeve për rehabilitimin e rrjetit.
Prej kësaj të hëne ka nisur fushata e ndërgjegjësimit për qytetarët mbi pagesën e faturave të prapambetura të ujit të pijshëm si dhe lidhjen e kontratave të reja.
Në përfundim të fushatës së ndërgjegjësimit dhe lidhjeve vullnetare, do të nisë identifikimi i abuzuesve, në bashkëpunim me Policinë e Shtetit.
Bashkëpunimi i ngushtë në mes qytetarëve dhe Ujësjellës Kanalizime Tiranë është tashmë një aset për të rritur më shumë efikasitetin e punës në shërbim të qytetarëve.
Ndërkaq, është bërë riparimi i shpejtë i defektit në rrjetin e ujit të pijshëm në rrugën “Ibrahim Rugova” nga Bashkia e Tiranës, i dha fund problematikës së sinjalizuar nga banorët e kësaj zone në rrjetin e shpërndarjes së ujit. Linja brenda pak orëve rifilloi furnizimin normal.
Gjithashtu, nga data 1 shkurt, bashkitë do të fillojnë verifikimin e pagesave për punonjësit e tyre, të cilët do të nënshkruajnë një deklaratë dhe do të paraqesin edhe librezën e pagesave të ujit.
a.ç
