Bashkia e Tiranës ka hapur aplikimet për regjistrimin e fëmijeve në çerdhe për sezonin e ardhshëm.
Sipas njoftimit, fëmijët që kanë frekuentuar çerdhen këtë sezon dhe që mbushin 3 vjeç deri më 15 shtator do të regjistrohen automatikisht në kopësht.
Ngga ana tjetër Bashkia e Tiranës kërkon bashkëpunimin e prindërve që deri më 26 qershor të deklarohet pranë çerdhes se në cilin kopësht duan të regjistrojnë fëmijën për sezonin e ardhshëm.
NJOFTIMI NGA BASHKIA E TIRANËS
Bashkia e Tiranës hap aplikimit për regjistrimin e fëmijëve në çerdhe
Në datat 07 – 11 Qershor 2021 në çdo çerdhe publike të Bashkisë Tiranë, do të kryhet procedura e aplikimit për regjistrimin e fëmijëve në çerdhe.
Drejtoria e Përgjithshme e Çerdheve dhe Kopshteve, bën me dije se fëmijët që kanë frekuentuar çerdhen në sezonin 2020-2021 dhe që mbushin moshën 3 vjeç, deri më datë 15 Shtator 2021, do të regjistrohen automatikisht në kopsht.
Bashkia e Tiranës kërkon bashkëpunimin e prindërve për të bërë brenda datës 26 qershor 2021 deklarimin pranë çerdhes ku fëmija ka frekuentuar , kopshtin në të cilin dëshirojnë të regjistrojnë fëmijën.
“Kopshti i përzgjedhur nga prindërit, duhet të jetë në njësinë administrative ku aktualisht ndodhet vendbanimi i fëmijës”, thuhet në njoftim./ b.h
