Edhe pse kryebashkiaku i Shkodrës publikoi përgjigjet e drejtësisë italiane mbi pastërtinë e figurës, Lulzim Basha shprehet i bindur për akuzat e tij.
Kryedemokrati e ka nisur të hënën me një postim në Facebook ku shkruan se Edi Rama ka urdhëruar Prokurorinë që të mbrojë Pjetrin.
Ja postimi i plotë i kryetarit të Partisë Demokratike:
Edi Rama është kërcënim dhe rrezik për jetën dhe sigurinë e çdo familje shqiptare! Ai ka uzurpuar të gjitha pushtetet me një bandë kriminelësh e hajdutësh që i duhen për të vjedhur Shqipërinë.
Valdrin Pjetri duhet të merret urgjentisht i pandehur sepse ka shkelur Ligjin e Dekriminalizimit duke fshehur të dhënat mbi të kaluarën e tij si trafikant droge. Por Edi Rama i ka dhënë urdhër prokurorisë së korruptuar që ta mbrojë nga ligji i dekriminalizimit.
Por sa kohë Edi Rama është në zyrën e kryeministrit, nuk do ketë as drejtësi dhe as demokraci, banditët, kriminelët dhe hajdutët do të sundojnë Shqipërinë.
Krimi dhe Edi Rama janë të pandashëm. Që të largojmë krimin duhet të largojmë Edi Ramën! Shporrja e Hajdutit Psiqik dhe bandës së tij është jetike për sigurinë dhe jetën e çdo familje shqiptare!
/a.r
