Teksa Lulzim Basha ka qenë sot në Devoll për të drejtuar protestën, Partisë Demokratike i ka rënë një tjetër “kala”.
Pas disa orësh protestë nga militantët e PD, Bashkia e Kavajës është arritur të hapet nga policia. Kryebashkiaku i ri Redjan Krali ka arritur të hyjë në zyrë i shoqëruar nga dhjetëra mbështetës dhe forcat e rendit.
Ndërkohë që ish-kryetari Isa Sakja ishte larguar nga zyra para mbarimit të orarit zyrtar të punës duke mbyllur edhe dyert.
Më herët PS ka arritur të hapë edhe bashkinë e Devollit, ndërsa sot kryetarit të bashkisë Vorë i është konfirmuar mandati nga Gjykata.
