Kryetari i Partisë Demokratike, Lulzim Basha e ka nisur ditën e sotme me mesazhin se në 25 prill do të vijë ndryshimi për Shqipërinë.
Në një status në Facebook, kreu i demokratëve akuzon kryeministrin Rama se në 8 vite vetëm ka dështuar dhe tani nuk mund të japë asnjë zgjidhje për vendin.
“Pas 8 vitesh dështime, Rama po flet për atë që do të bëjë. Pas 8 vitesh dështime, Rama nuk mund të zgjidhë asgjë. Ne mundemi. Më 25 prill ne do të sjellim ndryshimin – Rama do të humbasë dhe Shqipëria do të fitojë”, shkruan Basha.
Ndërkohë një ditë më parë, Lulzim Basha në një prononcim për mediat u shpreh se “pandemia e nxori zbuluar dështimin total të Edi Ramës me shëndetësinë. Paratë që u ka marrë shqiptarëve ua ka çuar PPP-ve. Tirja është produkti i vetëm i Edi Ramës në 8 vite. Sepse vetë Edi Rama është krye-Tirja”.
g.kosovari
