Kryetari i Partisë Demokratike, Lulzim Basha i ka bërë sërish thirrje qytetarëve shqiptarë për t’ju bashkuar protestës së nesërme.
Përmes një statusi në ‘Facebook’ Basha fton shqiptarët, për atë që ai e cilëson ‘protestë kombëtare’.
REAGIMI I BASHËS
Protesta e nesërme është një protestë kombëtare. Aty ka vend për secilin shqiptar që kërkon te jetojë me dinjitet dhe jo nën sundimin e krimit, korrupsionit, taksave të larta, izolimit nga Perëndimi.
Nesër në orën 11.00! Të bashkohemi në Bulevardin Dëshmorët e Kombit!
Nesër në orën 11:00 opozita ka thirrur qytetarët në protestë, për të kërkuar largimin e ministrit të Brendshëm Fatmir Xhafaj.
Që nga dita kur publikuan dosjen e plotë të dënimit të vëllait të ministrit, Agron Xhafaj, i cili rezultonte i dënuar si pjesë e një organizate të trafikut të drogës, demokratët kërkuan që Xhafaj të dorëhiqet.
