Kreu i Partisë Demokratike, Lulzim Basha, u shpreh në emisionin “Opinion” se dy shqetësimet e opozitës për situatën e krijuar nga koronavirusi, janë ndihma e familjeve të varfra dhe krijimi i një plani afatgjatë për të përballuar situatën.
Basha u ka bërë apel qytetarëve që të respektojnë masat e marra kundër koronavirusit, ndërsa shprehur gatishmërinë e opozitës për të ndihmuar qytetarët.
Çfarë mesazhi do të jepni ju në një moment me vëmendje të madhe qytetarëve si lideri i opozitës?
Tani është koha që të jem në solidaritet me njëri-tjetrin, të jemi bashkë dhe të jenë sa më të sigurt që të jetë e mundur. Ky është fokusi im në javët në vijim, ky duhet të jetë fokusi i kryefamiljarëve e çdo shqiptari. Ne do të bëjmë gjithçka personalisht përmes distancimit social, për të kontribuar në minimizimin e riskut.
Autoritetet nuk duhet të kenë asnjë kompleks, nuk ka rrugë tjetër opozita veçse t’i bëj publike propozimet veta. Disa propozime u pranuan, jemi të lumtur që u adaptuar për pagesën e një prej prindërve që do të qëndroj me fëmijë, jemi të lumtur që u adaptua pezullimi i fasonëve e Call Center.
Tani kam dy shqetësime kryesore. 50% e popullsisë janë në gjendje të varfër. Kemi kërkuar rishikimin me urgjencë të buxhetit. Unë po kërkoj fare të thjesht dhe të mundur dhe të shmangen gabimet që u bën me tërmetin vonesat që u bën me tërmetin dhe tani që flasim ne janë me qindra familje në çadra ose janë kthyer në shtëpitë e dëmtuara. Po kërkoj të mos merren masa sot për sot, por të merren masa afatgjatë të ketë një plan të qartë dhe jo një reagim të përditshëm gjatë situatë në evulim.
